Վերջերս Լապշինը հայտարարել էր, որ ադրբեջանական ղեկավարությունը պարտվել է Եվրոդատարանում՝ պարտավորվելով իրեն որոշակի գումար վճարել հետապնդումների և անհիմն կալանավորման համար։
Դրանից հետո հայտնի բլոգերը, որ վերջին շրջանում իր ժամանակի մեծ մասն անց է կացնում Հայաստանում, երբեմն էլ բարեգործական նախաձեռնությունների մեջ է ներգրավվում, հայտարարել է, որ պատրաստվում է Ադրբեջանի կողմից իրեն վճարվելիք գումարի մեծ մասը տրամադրել պատերազմի արդյունում տուժած արցախցիներին։
Այդպիսով՝ բլոգերը կրկնապատկում էր ադրբեջանական ղեկավարության հանդեպ իր հաղթական վերաբերմունքի չափը։ Սակայն բլոգերը ադրբեջանական ղեկավարությանը ծաղրել է նաև նոր եղանակով։
Հարկ է եղել բացելու նոր հաշվեհամար, որին պետք է ադրբեջանական ղեկավարությունը վճարի դատարանի սահմանած գումարը։ Եվ ահա բլոգերը այդ հաշվեհամարը բացել է Արցախ բանկում։
Հենց Արցախ բանկին բացված հաշվեհամարին պետք է ադրբեջանական ղեկավարությունը փոխանցի Եվրոդատարանի սահմանած գումարը։
Տարբեր օգտատերեր արձագանքել են Լապշինի այս նախաձեռնությանը՝ ասելով, որ նման բան միայն հրեայի մտքով կանցներ։
