Արդեն երկրորդ տարին է, ինչ քովիդ կոչված վիրուսը լարվածության և կաշկանդվածության մեջ է պահում համայն մարդկությանը՝ թելադրելով սեփական կանոններն ու պայմանները։
Շատերը քովիդով հիվանդանալու ժամանակ ինքնամեկուսացման ընթացքում խոստովանում են, որ լավ հնարավորություն են դիտարկում մեկուսացումը հարազատների հետ առավել սերտ շփումների համար։
Նման իրավիճակում է հայտնվել հանրահայտ երգչուհի Սիրուշոն, ով վերջին շրջանում ակտիվ համերգային ու գործնական ճամփորդությունների մեջ էր։
Երգչուհին օրեր առաջ հայտարարել էր, որ երկու տարի շարունակ իրեն հաջողվել է խուսափել քովիդից, իսկ հիմա նա վարակվել է ու ստիպված է մեկուսանալ։
Պարզվում է՝ Սիրուշոն մեկուսացել է իր ընտանիքի անդամների՝ ամուսնու և երկու որդու հետ միասին։ Նրանք միասին ընտանեկան հետաքրքիր ժամանց են կազմակերպում։
Սիրուշոն ընտանեկան լուսանկար է տեղադրել, որտեղ կարելի է տեսնել, թե ինչպես են Լևոնն ու Սիրուշոն լեգոներով խաղում իրենց զավակների հետ։ Նրանք լեգոներով ինքնաթիռ են պատրաստում։
