Հայտնի է, որ շաբաթներ շարունակ ընդդիմադիր ուժերը փակ են պահում Բաղրամյան պողոտան։ Այս փողոցային փակվածության առիթով իրենց դժգոհություններն են հայտնել և հայտնում տարբեր անհատներ՝ ընդգծելով իրողության անհարմարությունն ու ստեղծած խնդիրները։
Որքան էլ օրեցօր ընդդիմադիրների շարքերը նոսրանան, ճանապարհն այնուամենայնիվ փակ է մնում։ Ճանապարհի փակվածությանը հետևում են ոստիկանները։ Դ․ Իոնիսյանն այսօր մի քանի անգամ անցել է փակ պողոտայով։
Անցնելիս նա նկարահանել է իր երթուղին՝ ցույց տալով, որ պողոտան դատարկ է։ Նա հարց է ուղղում, թե քանի մարդու առկայության դեպքում է կարելի համարել, որ փողոցը փակ է։
Ապա ավելացրել է, որ այսուհետ նա այլևս չի շրջանցելու պողոտան և անցնելու է այնտեղով, եթե հարկ լինի, քանի որ բառացիորեն մի քանի ցուցարարներ չեն կարող մյուսներին խանգարել երթևեկել պողոտայով։
Դ․ Իոնիսյանի հրապարակած տեսանյութը, որը նա նկարահանել է երեկոյան, կարող եք դիտել ստորև կցված նյութի մեջ։
