Տաղանդաշատ ռեժիսոր, ինքնատիպ արտիստ Արմեն Էլբակյանը բոլորում է ծննդյան 70 ամյա հոբելյանը։ Նա իր ծննդյան տարեդարձները սկսում է թատրոնում, իսկ հետո օրը եզրափակում է տանը՝ հարազատների շրջապատում։
Արմեն Էլբակյանի օրն ու կյանքը լցնում են նրա երկու պայծառ թոռնիկները, որոնց համար իսկական տոն է պապիկի աշխատասենյակ այցելելը և նրա հետ ժամանակ անցկացնելը։ Երեխաները սիրելի պապիկի հետ անցկացրած ժամանակահատվածում նկարում են նրան։
Պապիկը խնամքով պահում է այդ նկարները։ Արմեն Էլբակյանի դուստրը՝ Լիլին, նույնպես սիրով իր ժամանակի մեծ մասն անց է կացնում հայրիկի հետ։ Նա հայրիկի հիմնական օգնականն է։
Արմեն Էլբակյանի կյանքի մեծ սերը՝ Աննա Էլբակյանը, շարունակում է իր ներկայությամբ երջանկացնել հարազատներին։ Արմեն Էլբակյանը տանը եղած ժամանակ շատ է սիրում սիրելի տիկնոջ պատրաստած համեղ ուտեստներից օգտվել։
Ռեժիսորը սերտորեն համագործակցում է ընտանիքի անդամների և մյուս դերասանների հետ՝ ստեղծելով արժեքավոր գործեր։
