Տաղանդավոր բեմադրիչ, ռեժիսոր Վահե Շահվերդյանն այսօր բոլորում է ծննդյան յոթանասունհինգամյա հոբելյանը: Ռեժիսորական ներկայացումների բեմադրիչն անցել է բազմաբեղուն ու մշակութային իրադարձություններով հարուստ կյանք՝ բեմադրելով շուրջ ութսունհինգ ներկայացումներ:
Տաղանդավոր հոր ծննդյան օրվա առիթով որդին՝ Սուրեն Շահվերդյանը, սոցցանցային հրապարակում է հանրայնացրել՝ շնորհավորելով նրան:
Արձանագրելով ժամանակային արագ թռիչքը՝ որդին իր զարմանքն է հայտնել այն իրողության առիթով, թե ինչպես է հայրը կարողանում այդքան իդեալական ու ճիշտ լինել բոլոր պարագաներում:
Ինքն էլ լինելով ռեժիսոր՝ Ս. Շահվերդյանը խոստովանում է, որ ամեն անգամ հոր ներկայացումների պրեմիերաներին նստում է նյարդային սպասումով: Իրեն միշտ թվում է, թե հայրն իրեն այլևս չի կարող զարմացնել, սակայն ամեն անգամ յուրովի ու նորովի է զարմանում հոր ստեղծագործ լուծումներուվ:
Ս. Շահվերդյանն իր շնորհավորական հրապարակումն ավարտել է երջանկության բարեմաղթանքներով՝ նշելով, որ հայրն իր համար եղել և մնում է ամենից վստահելի հենարանն ու ամենից լավ օրինակը:
