Սպորտսմենուհի և միաժամանակ գեղեցկուհի Նազիկ Ավդալյանը, պարզվում է, բացի սպորտային փայլուն կարողությունները, ունի նաև փայլուն ձայն։ Այս մասին կարելի է վստահաբար պնդել՝ լսելով նրա գեղեցիկ կատարումը եղբոր հարսանեկան արարողության ժամանակ։
Ավդալյան քույրերը որոշել են աննախադեպ անակնկալ մատուցել իրենց ամուսնացող եղբորը։ Նրանք երկուսով գեղեցիկ դուետ են պատրաստել, որն էլ եղբոր հարսանիքին հրաշալի կատարմամբ ներկայացրել են հյուրերին ու նորապսակ զույգին։
Քույրերի կատարումն իսկապես որ ազդեցիկ է։ Այն հուզում է մինչև հոգու խորքը։ Քույրերը մի փոքր վերափոխել են «Իմ քույրիկ» հայտնի երգի բառերը՝ այն նվիրելով իրենց հպարտություն, տուն ու տեղ եղբորը՝ ցանկանալով, որ նա շենացնի հայրական օջախը։
Երգի բառերն ու երաժշտությունը մի կողմից, պահի հուզառատ ու ազդեցիկ լինելը մյուս կողմից՝ առաջ են բերում ներկաների բուռն արձագանքը։ Նազիկ Ավդալյանի և նրա քույրիկի անչափ հուզիչ, միչև հոգու խորքը թափանցող գեղեցիկ կատարումը կարող եք դիտել ստորև կցված նյութի մեջ։
