Լեգենդար արտիստ Ռիչարդ Գիրը տարիներ շարունակ էկրանից ներկայանում է երիտասարդական հմայքով ու ավյունով, իսկ նրա մշտամնա հաջողության ու արտիստական հմայքի գաղտնիքը նրա ապրելակերպի ու կենցաղի մեջ է։
Արտիստը հետաքրքրված է Մեդիտացիայով և բուդդիզմով։ Փենսիլվանիայում ծնված արտիստի ծնողների ընտանիքը ծագումով անգլո-իռլանդական է։ Դերասանի հայրը՝ Հոմեր Գիրը, աշխատել է ապահովագրական ընկերությունում, իսկ մայրը՝ Դորիս Թիֆանին տնային տնտեսուհի էր։
Նրանք մեծացրել են հինգ զավակներ։ Ռիչարդը երկրորդ զավակն է։ Ինքը՝ Ռիչարդ Գիրը, արդեն հասուն տարիքում, շատ ջերմ է խոսում իր մանկության մասին. «Տանը մենք շատ ջերմ մթնոլորտ ունեինք»։
Դեռ դպրոցական տարիքում աշխարհահռչակ դերասանը խաղացել է Ձմեռ պապի դերը։
Տարազը նրա համար կարել է մայրը՝ Ձմեռ պապի փորը «պատրաստելով» բարձից, իսկ մորուքը՝ բամբակյա բուրդով։ Որոշ ժամանակ անց՝ տասնչորս տարեկան հասակում, Ռիչարդը մարմնավորել է Ամերիկայի նախագահի դերը։
Ավարտելուց հետո ապագա դերասանը երկու տարի սովորել է դրամատուրգիա և փիլիսոփայություն Մասաչուսեթսի համալսարանում։ Ռիչարդն ամուսնացել է Սինդի Քրոուֆորդի հետ քառասուներկու տարեկանում։
