Հարություն Հարությունյանը ծնվել է 1998 թվականի հոկտեմբերի 21 ին Երևանում։ Դպրոցին զուգահեռ նա սովորել է Ջիվանու անվան աշուղական դպրոցում։
Բանակ զորակոչվելիս Հարությունը հաճախ է կրկնել, որ եթե Արցախ չընկնի, ապա դիմելու է, որ իրեն անպայման տանեն Արցախ։
Նա այն կարծիքին էր, որ «Իսկական տղան պիտի Արցախում ծառայի»։ Հետաքրքիր զուգադիպությամբ Հարույունը բանակ է զորակոչվում 2017 թվականի հունվարի տասնիննին՝ իր մայրիկի ծննդյան օրը։ Ծառայել է Մարտունիում։
Զինծառայությունից վերադառնալով՝ նա սիրահարվում է արդեն հարազատ դարձած Ջիվանու դպրոցի սաներից մեկին։ Մեկ տարի տևած ընկերությունից հետո որոշում են նշանադրվել։
Հարությունը ընկերուհուն տուն է տանում հարազատների հետ ծանոթացնելու սեպտեմբերի քսանվեցին։ Հաջորդ օրը նա իմանում է պատերազմի մասին։
Անմիջապես կամավորագրվում ու մեկնում է Ասկերան։ Մարտի դաշտում նա հանդիպել է մտերիմ ընկերոջը, ով անչափ ուրախացել է Հարությունին տեսնելով։ Ցավոք, Հարությունն անմահացել է հենց ընկերոջ ձեռքերում։
