Այս տարվա ամառը անոմալ շոգերով է ուղեկցվում։ Ընդ որում, շոգերը ոչ թե տարածքային մասնավոր դրսևորումներ ունեն, այլ աշխարհի տարբեր անկյուններում են դրսևորվում՝ առաջ բերելով բազմաթիվ խնդիրներ։
Մինչ մեր տարածաշրջանում օդերևութաբանները կանխատեսում են քառասուն աստիճանից ավել շոգ, հրդեհավտանգ իրավիճակներ, Կանադայում ջերմաստիճանը ֆանտաստիկ բարձրության՝ հիսուն աստիճանի է հասել։
Այդ պատճառով Կանադայում անտառային լայնատարած հրդեհներ են սկսվել ու շարունակում են տարածվել՝ ընդգրկելով ավելի մեծ տարածքներ։ Կանադան հայտնվել է դժոխային կրակի ճիրաններում, երկրում արտակարգ ու արտառոց իրավիճակ է, շոգից հայուրավոր մարդիկ են հայտնվել հիվանդանոցներում, իսկ շատերն էլ չդիմանալով մահացել են։
Նման շոգ եղանակ է գրանցվել նաև Ամերիկայում։ Մարդկանց հիմնական խնդիրը դարձել է շոգի դեմ պայքարելը։ Մարդիկ ձգտում են դեպի ջուրը՝ այդկերպ փորձելով դիմակայել շոգին։
Կանադայում տեղի ունեցող իրադարձություններից մի քանի կադրեր ներկայացնում ենք ստորև բերված նյութի մեջ։
