Ալեն Մարգարյանը մեր ժամանակների լուսավոր կերպարներից էր, ով, ցավոք, անմահացավ հայրենի սահմանները պաշտպանելիս։ Ալենի մայրիկի անամոք ցավը կիսում են շատերը, հատկապես նրանք, ովքեր ծնող են և գիտեն, թե ինչ է զավակի կորուստը։
Տիկին Նազելին երբեմն-երբեմն սատարող և հուզիչ նամակներ է ստանում։ Նրան ուղարկված հերթական նամակը Նիդերլանդներից է։ Նիդերլանդներից Մելանյա Թադևոսյանը տիկին Նազելիին տեղեկացրել է, որ ինքը երկրորդ որդին է ունեցել և նրան Ալենի անունով է կնքել։
Տիկին Մելանյան գրել է, որ ինքը մեծ հույսեր ունի առաջիկայում իր Ալենին տեսնի Ալեն Մարգարյանի նման արժանավոր ու դաստիարակված երիտասարդ։ Նա նաև ցանկություն է հայտնել առաջիկայում անպայմանորեն հանդիպել տիկին Նազելիի հետ։
Այս նամակը խիստ հուզել է տիկին Նազելիին։ Նա ամեն օր իր տղայով հպարտանալու առիթներ է ունենում։ Նրա լուսավոր տղայի կերպարը շարունակում է ոգեշնչել մարդկանց։
